თბილისის საგანმანათლებლო საინფორმაციო ცენტრი "კვალი"

უმაღლესი განათლების მიღების ზოგიერთი მსურველი ამერიკული კოლეჯისა თუ უნივერსიტეტის დონის განსაზღვრისას სასწავლო პროგრამების გარდა, მის მიერ გაწეულ მომსახურებას ითვალისწინებს. ამერიკის კოლეჯებსა თუ უნივერსიტეტებს ამ მხრივ დიდი არჩევანის შემოთავაზება შეუძლიათ.
 

ოფისები, რომლებიც განკუთვნილია საერთაშორისო სტუდენტების სხვადასხვა პროგრამებითა და სერვისით უზრუნველყოფისათვის, შესაძლოა დასახელებით განსხვავდებოდნენ ერთმანეთისაგან. (მაგალითად: საერთაშორისო სტუდენტთა მომსახურების ოფისი, უცხოელ სტუდენტთა მომსახურება ან საერთაშორისო განათლების ცენტრი და აშ.)
 

ზოგადად, საერთაშორისო სტუდენტთა მომსახურების ოფისი წარმოადგენს ადგილს, სადაც შესაძლებელია მნიშვნელოვანი ინფორმაციის მოპოვება. ამერიკაში ახლადჩასულმა უცხოელმა სტუდენტმა სასურველია ჩასვლისთანავე მიაკითხოს საერთაშორისო სტუდენტთა მომსახურების ოფისს, მიუხედავად იმისა, აქვს თუ არა გასარკვევი რაიმე საკითხი. ასეთი ოფისების ფუნქციონალურ მიზანს ხომ სტუდენტთა ინფორმაციული უზრუნველყოფა წარმოადგენს.

კერძოდ:

• ამერიკული კულტურის, წეს-ჩვეულებებისა და ღირებულებების გაცნობა;
• ინფორმაცია ამერიკის საგანმანათლებლო სისტემის შესახებ;
• ხელსაყრელი პირობების შექმნა უცხოელი და ადგილობრივი
  სტუდენტების ურთიერთგაცნობისა და დაახლოების მიზნით.

აგრეთვე საერთაშორისო მომსახურების ოფისები სთავაზობენ სტუდენტებს:

• გარკვეულ პროგრამებს, რომლებიც მოიცავენ ახლადჩამოსულ
  სტუდენტთა სასწავლო ორიენტაციის საკითხს;
• ვორკშოპებსა და სემინარებს;
• საერთო საცხოვრებლის ტერიტორიაზე და მის გარეთ
  სამუშაოსთან დაკავშირებულ ინფორმაციას;
• ინფორმაციას დაზღვევის შესახებ;
• ინფორმაციას სესხებისა და გრანტების შესახებ;
• ინფორმაციას მოგზაურობის შესახებ (როგორც ამერიკაში, ასევე მის
  ფარგლებს გარეთ);

ამგვარი მომსახურების მთავარი მიზანია, დახმარება გაუწიოს უცხოელ სტუდენტებს, რათა მარტივად შეეგუონ ამერიკული ცხოვრების სტილს.
 

საერთაშორისო სტუდენტთა ოფისები არ ახორციელებენ აკადემიურ კონსულტაციას. ამგვარ პასუხისმგებლობას საკუთარ თავზე აკადემიური საკონსულტაციო ოფისები, ფაკულტეტები ან ფაკულტეტის წარმომადგენლები იღებენ.
 

საერთაშორისო სტუდენტთა მომსახურების ოფისებზე მოთხოვნა განსაკუთრებით იზრდება სასწავლო წლის პირველ სემესტრში და თითოეული სემესტრის ბოლოს, როცა სტუდენტთა გარკვეული ნაწილი ამთავრებს სწავლას, ეძებს სამსახურს ან გადაწყვეტილი აქვს მოგზაურობა. საერთაშორისო სტუდენტთა მომსახურების ზოგიერთ ოფისს პროგრამა და მომსახურება ეტაპობრივ კატეგორიებად აქვს დაყოფილი: მაგალითად, საქმიანობა ჩამოსვლამდე, ჩამოსვლის შემდგომ, ჩარიცხვის